2023/24
КУБА – ХАВАНА И ВАРАДЕРО
14.12-22.12.2023
.jpg)
Карибски остров со шеќерно бели плажи, прошаран со полиња на кои се одгледува тутун, кој игра значителна улога во процесот на производство на легендарните кубански пури. Главен град е Хавана, кој го красат куќи со пастелни фасади, автомобили од 1950–тите и шпански колонијален стил кој датира од 16 -ти век. Во клубовите може да слушнете прекрасна салса музика, а во звуците на прекрасното кабаре шоу ќе уживате во познатиот клуб Тропикана. Куба често е нарекувана уште и El Caiman или El Crocodrilo (на шпански крокодил), поради нејзиниот облик кој потсетува на овој влекач. Откриена од Кристофер Колумбо во 1492 г. и колонизирана од Шпанија, Куба е најпопуларниот остров во средна Америка која е живеалиште на 11 милиони жители. Името Куба е преведено од Таино јазикот кој значи „плодна земја во изобилство “ (Cubao) или „прекрасно место“(cobana). Америка ја превзема контролата на властта во Куба во 1898 г. за време на Шпанско – Американската војна. Во 1902 Куба станува независна земја, а за време на Кубанската Револуција од 1953 до 1959 г., Фидел Кастро го заменува Фулегенсио Батиста. Кастро ја прогласува Куба за социјалистичка држава во 1961 година, со тоа што станува претседател на Куба, се до 2008 г. кога ја префрлува контролата на власта на неговиот брат Раул. Варадеро пак е најексклузивното, а воедно и најпознато летувалиште на Куба во кое се уште владеат браќата Кастро, а се наоѓа на околу 150 километри источно од главниот град Хавана. Денес тој претставува еден од најзначајните туристички центри на Карибите.
14.12.2023 | СКОПЈЕ-ФРАНКФУРТ-ХАВАНА
Пријавување на аердромот во Скопје 2 часа пред предвидениот лет кон Франкфурт во 06:45 часот со Lufthansa Airlines. Пристигнување на аеродрмот во Франкфурт во 09:10 часот. Повразниот лет кон Хавана е во 11:30 часот, а пристигнувањето во 17:00 часот. ДОБРЕ ДОЈДОВТЕ НА КУБА! По завршување на пасошка и царинска контрола, со организиран приватен трансфер се упатувате кон Хавана. Сместување во хотел на услуга ноќевање со појадок (пр. хотел Iberostar Parque Central 5*).. Ноќевање.
15.12.2023 | ХАВАНА
Појадок во хотел. Слободно време за прошетки во единствената Хавана, која буди чуство како овде времето да е застанато. Предлог факултативни излети од страна на агенцијата. Ноќевање.
16.12.2023 | ХАВАНА-ВАРАДЕРО
Појадок и одјавување од хотелот. Следува организиран приватен трансфер до Варадеро (150км). Сместување во хотел на услуга All Inclusive (пр. хотел Sol Palmeras Melia 4*). Ноќевање.
17-20.12.2023 | ВАРАДЕРО
Појадок во хотел. Слободно денови за уживање на белите песочни плажи во Вардеро и тиркизното Карипско море, или факултативни излети по препорака на агенцијата или љубезниот персонал во хотелот. Ноќевање.
21.12.2023 | ВАРАДЕРО-ХАВАНА-ФРАНКФУРТ
Појадок и одјавување од хотелот. Во однапред договорено време, со организиран трансфер се упатувате до аеродомот во Хавана, за летот кон Франкфурт во 19:05 часот.
22.12.2023 | ФРАНКФУРТ-СКОПЈЕ
Пристигнување на аеродромот во Франкфурт во 10:55 часот. Кратко транзит време на аеродромот, до поврзаниот лет кон Скопје во 12:00 часот. Пристигнување во Скопје во 14:10 часот.
ЦЕНА ПО ЛИЦЕ ВО ДВОКРЕВЕТНА СОБА: 1990€
(1890€ деца до 12 години со 2 возрасни во соба)
ВО ЦЕНАТА НА АРАНЖМАНОТ Е ВКЛУЧЕНО:
- Повратен авионски билет на релација Скопје-Франкфурт-Хавана-Франкфурт-Скопје со Lufthansa;
- Рачен и чекиран багаж по лице;
- Аеродромски такси;
- Трансфер на релација аеродром Хавана до хотел во Хавана;
- Трансфер на релација од хотел во Хавана до хотел во Варадеро;
- Трансфер на релација хотел во Варадеро до аеродром Хавана;
- 2 ноќевања со појадок во хотел во Хавана (пр. хотел Iberostar Parque Central 5*);
- 5 ноќевања на All Inclusive во Варадеро (пр. хотел Sol Palmeras Varadero 4*);
- Патничко осигурување;
- 24/7 онлајн подршка во текот на целото патување.
ВО ЦЕНАТА НА АРАНЖМАНОТ НЕ Е ВКЛУЧЕНО:
- Индивидуални трошоци;
- Туристичка такса која се плаќа директно на рецепција (доколку има таква);
- Факултативни излети;
ОПШТИ НАПОМЕНИ
- Понудата е подготвена согласно моменталните цени на авионските билети и класи на авиокомпанијата;
- Наведената пакет цена се однесува по лице во двокреветна соба, изразена во евра, при денарска противвредност од 1 евро = 62 мкд;
- Тип на патување: Индивидуален пакет аранжман;
- Агенцијата го задржува правото на промена на цената на аранжманот, доколку дојде до промена на цената на авионските билети, хотелските услуги, факултативните излети и трансфер услугите;
- Резервација се гарантира исклуливо со уплата согласно политиката на агенцијата;
- Во наведените хотели не се задржани/резервирани соби, се’ до моментот на официјална потврда од страна на корисникот на услугата.
КОРИСНИ ИНФОРМАЦИИ ЗА КУБА
Општи податоци
Лоцирана во централна Америка, Куба е островска држава чиј главен град е Хавана со околу 2 милиони жители. На јужниот дел на островот се наоѓа Карипското море, а на север излегува на Мексиканскиот залив и Атланскиот океан.
Виза
За државјани на Македонија, не се потрбени визи при патување на Куба.
Временска зона
Куба се наоѓа во временска зона UTC – 5
Клима
На Куба владее тропска клима со просечна температура од 25 степени целзјусови.
Храна
Храната во Куба пред се изобилува со морски специјалитети од риба и морски плодови, но овде можете да ги вкусите и сите видови на месо. Во прилог со секое јадење се сервира ориз и црн грав. Национално јадење е Ropa Vieja – говедско месо со зеленчук. На Куба се одгледуваат најразлични видови овошје и зеленчук кои не се одгледуваат во Европа (гвајаба, ананас, маланга, јука..). Овде препорачуваме конзумирање на храна од ресторани, а овојше и зеленчук од локалните пазари, каде цените се прилично исти како во Европа. Конзумирајте исклучиво флаширана вода!
Здраствена состојба
При патување на Куба не е потребна имунизација. Пожелно е да понесете пробиотици, лекови за симнување на температура, за стомачни тегоби, како и Аутан против комарци и креми против изгореници од сонце. Овие средства препорачуваме да ги понесете од Македонија, бидејќи во Хавана не постојат големи супермаркте каде истите можете да ги купите.
Осигурување
За влез на Куба неопходно е да имате здраствно патничко осигурување кое може да го купите во било која осигурителна компанија или во нашата агенција.
Безбедност
Што се однесува до безбедноста, стапката на криминал на Куба е многу ниска, што значи дека државата е прилично безбедна за патување, но секако советуваме внимателно чување на своите работи, при прошетки во големите градови или туристички места, како превенција од ситни кражби. Прошетките без придружба дури и во вечерните часови се слободни и безбедни.
Облека
Со оглед на високите температури, советуваме со Вас да понесете летна гардероба, удобни обувки доколку присуствувате на факултативни излети со повеќе пешачење, како и капи или шешири како заштита од сонце.
Валута
Куба е земја која има две валути - CUC то ест конвертибилен пезос или CUP - монета национал. Вам на патувањето ќе ви биде потребен само CUC и тоа е валута која ја добивате кога менувате пари во менувачница. Курсот изнесува 1eur = 1,1 CUC. Пари можете да менувате и во CUP но таа валута можете да ја користите само на пазарите и во некои помали продавници а односот е 1CUC = 23CUP. Парите се менуваат во менувачници кои се државни така што курсот е секаде идентичен. На патувањето понесете евра со оглед дека доларите се на висока провизија. Се советува носење готовина затоа што плаќање со платежни картички не е застапено, а банкоматите не се секогаш во функција и нема на многу места.
Комуникација
Нашите мобилни оператори функционираат на Куба, а што се однесува до интернетот истиот во безжична верзија го има само на јавни места (паркови, лоби во големи хотели..), но има можност да купите интернет картички кои чинат околу 2 евра за 1 час интернет конекција. Поради таа причина не е препорачливо носење на лап топ компјутери со Вас со оглед на фактот што интернет конекциите не се баш добри. Купување на кубанска сим картичка не е возможно.
Електрична енергија
За полнење на Вашите мобилни уреди потребно е да имате адаптер со 2 тенки влеза (како во САД).
Превземи целосна понуда
.jpg)
